မီးနေသည် အခန်းထဲထိ တိုးဝင်လာတဲ့ အကြမ်းဖက်မှု (သို့မဟုတ်) စစ်အာဏာသိမ်းမှုအောက် မလုံခြုံတဲ့ ဘဝတွေ

အာဏာသိမ်း စစ်အုပ်စုဟာ စစ်အာဏာသိမ်းမှု နှစ်နှစ်ပြည့်ဖြစ်တဲ့ ၂၀၂၃ ဖေဖေါ်ဝါရီက စတင်ပြီး စစ်ကိုင်းတိုင်း က (၁၄)မြို့နယ်နဲ့ မကွေးတိုင်းက ငါးမြို့နယ် အပါအဝင် နိုင်ငံတဝန်းက မြို့နယ် (၄၀)ကို Martial Law - မာရှယ်လော (စစ်အုပ်ချုပ်ရေး) ကြေညာခဲ့ပါတယ်။ 334515220_1138646640190093_6427962455500824686_n.jpg တောထဲမှာ မီးသွေးဖုတ်ရင်း အင်းတော်မြို့ပေါ် စျေးလာဝယ်တဲ့ အင်းတော်မြို့နယ် ကမ်းနီရွာသား ကိုမင်းမင်းဦး (ခ) ကိုလမင်း ကို တောထဲက လာတဲ့ပုံစံ ပေါက်နေလို့ ဆိုပြီး စစ်အုပ်စုက ဖမ်းကာ ထောင်တစ်သက်တစ်ကျွန်း လိုက်စဉ်/Photo - စစ်အုပ်စု မာရှယ်လောရဲ့ သဘောအရ အဲ့ဒီလို ကြေညာခံရတဲ့ မြို့နယ်တွေရဲ့ အုပ်ချုပ်ရေး သာမက တရားစီရင်ရေးကိုပါ စစ်အုပ်စုက ရယူလိုက်တာလည်း ဖြစ်ပါတယ်။ မာရှယ်လော (စစ်အုပ်ချုပ်ရေး) ကြေညာထားတဲ့ မြို့နယ်အတွင်း ဖြစ်ပွားတဲ့ အမှုတွေအနက် အကြမ်းဖက်မှု တိုက်ဖျက်ရေး ဥပဒေ၊ မတရားအသင်းဥပဒေ၊ ပုန်ကန်မှု၊ အကြည်ညိုပျက်စေမှု၊ လက်နက်မှု၊ အဂတိမှု၊ မီဒီယာ၊ အီလက်ထရောနစ် ဆက်သွယ်ရေးစတဲ့ ပုဒ်မတွေနဲ့ စွပ်စွဲခံရသူတိုင်းကို စစ်ခုံရုံးက ပြစ်ဒဏ်စီရင်တာ ဖြစ်ပါတယ်။ အဲ့ဒီလို စစ်ခုံရုံးတင် တရားစီရင်မှုတွေကို စစ်တိုင်းမှူး (ဗိုလ်မှူးချုပ်အဆင့်) ဒါမှမဟုတ် စစ်နယ်မြေမှူး (ဗိုလ်မှူးချုပ်၊ ဗိုလ်မှူးကြီးအဆင့်) တွေက ကိုယ်တိုင်ဖြစ်စေ၊ ကိုယ်စား ခန့်အပ်ပြီးဖြစ်စေ စိတ်ကြိုက် အမိန်ချ၊ တရားစီရင်ခွင့်‌ ရရှိတာ ဖြစ်ပါတယ်။

မြိုင်နယ်ထဲ စစ်အုပ်စုကို မိုင်းဆွဲရာက တိုက်ပွဲဖြစ်၊ စကစ ငါးယောက် သေပြီး ဆိုက်ကယ်တစ်စီး သိမ်းဆည်းရရှိ၊