MFP ၊ စက်တင်ဘာ - ၁၃
မန္တလေးတိုင်း တောင်သာမြို့နယ် တမိုက်သာရွာနေ ပျူအဖွဲ့ဝင် ဖိုးအေး ဆိုသူက PDF တွေ လာရောက် တိုက်ခိုက်မှာကို ကြောက်လန့်ပြီး နေအိမ် ခြံစည်းရိုးမှာ လျှပ်စစ်ဓာတ်အား ရှော့တိုက်ထားချိန် လျှပ်စစ် ဝါယာရှော့ဖြစ်ကာ ဓာတ်လိုက်လို့ ဆေးရုံတင်ထားရတယ်လို့ ဒေသခံ သတင်းရင်းမြစ်တွေက ဆိုပါတယ်။
စစ်အုပ်စုနှင့်ပေါင်းကာ အရပ်သား ပြည်သူတွေအပေါ် ထင်တိုင်းကျဲ ရန်ပြု သောင်းကျန်း ရမ်းကားနေတဲ့ တမိုက်သာရွာနေ ပျူအဖွဲ့ဝင် ဖိုးအေးက PDF တွေကို ကြောက်လန့်ပြီး နေအိမ်ခြံစည်းရိုးမှာ ရှော့တိုက်ထားရာက ယမန်နေ့ စက်တင်ဘာ(၁၂)ရက် ညပိုင်းမှာ လျှပ်စစ်ဝါယာရှော့ဖြစ်ပြီး ဓာတ်လိုက်တာလို့ ဆိုပါတယ်။
လက်ရှိမှာ ပျူဖိုးအေးကို ပခုက္ကူဆေးရုံ ပို့ထားရတယ်လို့ ဒေသခံတချို့က ဆိုပြီး အသေးစိတ် အခြေအနေတွေကိုတော့ မသိရသေးပါဘူး။
တောင်သာနယ် တမိုက်သာကျေးရွာမှာ စစ်အုပ်စု လက်ပါးစေ ပျူအဖွဲ့ဝင် အများအပြား ရှိပြီး လွနန်ခဲ့တဲ့ တစ်နှစ်ကျော်က ထင်တိုင်းကျဲ သောင်းကျန်း ရမ်းကားခဲ့ကြပေမယ့် လက်ရှိမှာတော့ ပျူတချို့က ပုန်းရှောင်တာတွေ ရှိနေတယ်လို့ ဒေသခံတွေက ဆိုပါတယ်။
ပြီးခဲ့တဲ့ ဇွန်လကလည်း တောင်သာနယ် တမိုက်သာရွာက စစ်ကောင်စီခန့် အုပ်ချုပ်ရေးမှူး၊ ပျူခေါင်းဆောင် ဖြစ်သူဟာ စစ်အုပ်စုက ပေးထားတဲ့ သေနတ်ကို မောင်းတင်ပြီး ခါးကြားထိုးထားရာက သေနတ်မောင်းပြုတ်ကာ ပေါင်ကို ကျည်ဆံထိမှန်ပြီး ဆေးရုံတက်ခဲ့တဲ့ ဖြစ်စဉ် ဖြစ်ပွားခဲ့ပါသေးတယ်။
တောင်သာမြို့နယ်ထဲက စစ်ကောင်စီခန့် အုပ်ချုပ်ရေဒမှူးတွေနှင့် ပျူအဖွဲ့ဝင်တွေ အနေနဲ့ စစ်အုပ်စု ထောက်တိုင်တွေအဖြစ် ဆက်လက် လုပ်ကိုင်နေပါက မိသားစုရဲ့ အသက်အန္တရာယ်ကိုပါ အာမခံမှာ မဟုတ်ဘူးလို့ PDF တောင်သာက သတိပေး ထုတ်ပြန်ထားပါတယ်။
#MFP #Mandalay_Free_Press #မန္တလေး #စစ်ကိုင်း #တောင်သာ #တမိုက်သာရွာ #ပျူ
