MFP ၊ သြဂုတ် - ၂
မကွေးတိုင်း မြိုင်ပြို့နယ်မှာ အမျိုးသားညီညွတ်ရေး အစိုးရ (NUG) ရဲ့ ကြားကာလ ပညာသင်ကြားရေး အစီအစဉ်အဖြစ် မြိုင်မြို့နယ် ပြည်သူ့အခြေပြုကျောင်း ဆရာဆရာမများ ဆရာအတတ်ပညာ မွမ်းမံသင်တန်းဆင်းပွဲ အခမ်းအနားကို ဒီနေ့ သြဂုတ် (၂)ရက်မှာ ကျင်းပခဲ့တယ်လို့ မြိုင်မြို့နယ် ပညာရေးဘုတ်အဖွဲ့ - Board Of Education – Myaing က သတင်း ထုတ်ပြန်ပါတယ်။
မြိုင်မြို့နယ်မှာ NUG ရဲ့ ကြားကာလ ပညာသင်ကြားရေး အစီအစဉ်အတိုင်း ဖွင့်လှစ်ထားတဲ့ ပြည်သူ့အခြေပြုကျောင်း (၁၅၀)ဝန်းကျင် ရှိပြီး ကျောင်းသား၊ကျောင်းသူ (၂၅ ၀၀၀) ဝန်းကျင် တက်ရောက် ပညာသင်ကြားလျှက် ရှိကာ သင်ကြားပေးသူ ဆရာ၊ဆရာမ (CDM + Volunteers) စုစုပေါင်း (၂၅၀၀) ဝန်းကျင် ရှိတယ်လို့ မြိုင်မြို့နယ် ပညာရေးဘုတ်အဖွဲ့ - Board Of Education – Myaing က ဆိုပါတယ်။
အဲ့ဒီ ကျောင်းတွေ အားလုံးဟာ ရပ်ရွာအစီအစဉ်နဲ့ ကိုယ်ထူကိုယ်ထ ဖွင့်လှစ်ထားကြတာ ဖြစ်ပြီး NUG ကရော၊ မြိုင်ပညာရေး ဘုတ်အဖွဲ့ကပါ ငွေကြေးတစုံတရာ ထောက်ပံ့ကူညီပေးနိုင်တာ မရှိသေးဘူးလို့လည်း မြိုင်မြို့နယ် ပညာရေးဘုတ်အဖွဲ့ - Board Of Education – Myaing က ဆိုပါတယ်။
May be an image of 12 people, people sitting and people standing
မြိုင်နယ်မှာ NUG ရဲ့ ကြားကာလ ပညာသင်ကြားရေး အစီအစဉ်အတိုင်း ကိုယ်ထူကိုယ်ထ ကျေးရွာစာသင်ကျောင်းတွေ ဖွင့်လှစ်သင်ကြားနေတာ တစ်နှစ်ကျော်ပြီ ဖြစ်ပါတယ်။
( Mandalay Free Press – MFP က တင်ဆက်တဲ့ ရုပ်သံ သတင်းတွေကို ယူကျူ့ https://www.youtube.com/c/MandalayFreePressMFP မှာလည်း ကြည့်ရှုနိုင်ပါတယ်။)
#MFP #Mandalay_Free_Press #မန္တလေး #စစ်ကိုင်း #မကွေး #မြိုင် #NUG #ပညာရေး #ကျောင်း #ဆရာ #ကျောင်းသား
See less
