MFP ၊ ဩဂုတ် - ၁၁
မန္တလေးမြို့က ဓာတ်ဆီဆိုင်အများစုဟာ ဆီပြတ်လပ်နေတယ်လို့ ဒေသခံတွေဆီက သိရပါတယ်။
ဒီနေ့မနက်ပိုင်းကစပြီး ကား၊ ဆိုင်ကယ် စီးနင်းသူအများစုသုံးစွဲတဲ့ 92 နဲ့ 95 ဓာတ်ဆီတွေ ပြတ်လပ်နေတာဖြစ်တယ်လို့ ဆိုပါတယ်။
“ မန္တလေး မြို့သစ်စက်မှုဘက်ကနေ ပုလိပ်ဘက်အထိ ဆိုင်တွေအကုန်ပြတ်နေတယ် “ လို့ ဒေသခံတစ်ယောက်က MFP ကို ပြောပါတယ်။
မန္တလေးမှာ ဒီနေ့ပေါက်စျေးအရ 92 တစ်လီတာကို ၂၁၈၅ ကျပ်နဲ့ 95 တစ်လီတာကို ၂၂၆၀ ကျပ်ဖြစ်တယ်လို့ ဆီဆိုင်တွေက ထုတ်ပြန်ထားပါတယ်။
အလားတူ ပြင်ဦးလွင်မြို့မှာလည်း ဆီဆိုင်အများစုဟာ ဆီပြတ်လပ်နေတယ်လို့ ဒေသခံတွေက လူမှုကွန်ရက်မှာ ရေးသားနေကြပါတယ်။
(ဒီနေ့ညနေပိုင်းက မန္တလေးမြို့မှာမြင်ရတဲ့ BOC ဆိုင် မြင်ကွင်း)
( Mandalay Free Press – MFP က တင်ဆက်တဲ့ ရုပ်သံ သတင်းတွေကို ယူကျူ့ https://www.youtube.com/c/MandalayFreePressMFP မှာလည်း ကြည့်ရှု့နိုင်ပါတယ်။)
#MFP #Mandalay_Free_Press #မန္တလေး #စစ်ကိုင်း #ဓာတ်ဆီပြတ် #စက်သုံးဆီ
မန္တလေး ဆီဆိုင်အများစု ဆီပြတ်
Featured
သြဂုတ်လ 17, 2024
ဇွန်လ 23, 2024