MFP ၊ ဩဂုတ် - ၆
The PDF Game ရဲ့ ထောက်ပံ့မှု အပါအဝင် အများပြည်သူရဲ့ ကူညီထောက်ပံ့ လှူဒါန်းမှုနဲ့ ကျပ်သိန်း (၂၀၀)တန် မောင်းပြန်သေနတ်တစ်လက် ဝယ်ယူနိုင်ခဲ့ပြီဘို့ စစ်ကိုင်းတိုင်း၊ ရွှေဘိုခရိုင် PDF တပ်ရင်း(၁၅)- ဝက်လက် Tiger King ပြောက်ကျားတပ်ဖွဲ့ က ထုတ်ပြန်ပါတယ်။
Tiger King တပ်ဖွဲ့အတွက် ပထမဆုံး မောင်းပြန်သေနတ်အဖြစ် (M-4) အမျိုးအစား ရိုင်ဖယ် သေနတ်တစ်လက် ဝယ်ယူနိုင်ခဲ့တာလို့ ဆိုပါတယ်။
လက်နက်ဝယ်ယူဖို့ လိုအပ်တဲ့ ငွေကြေးကို The PDF Game ကစားသူတွေ ၊ Clicker ကလစ်ကာတွေနဲ့ Artstrike အဖွဲ့တွေက အဓိက ကူညီ ထောက်ပံ့တာ ဖြစ်ပြီး အများပြည်သူ လှူဒါန်းငွေတွေနဲ့ တပ်ဖွဲ့အတွက် ပထမဆုံးသော မောင်းပြန်သေနတ် ဝယ်ယူနိုင်ခဲ့တာ ဖြစ်ကြောင်း၊ ဆက်လက်ပြီး လက်နက်တွေ ဝယ်ယူနိုင်ဖို့ လိုအပ်နေသေးတာကြောင့် ပြည်သူတွေ၊ ဂိမ်းဆော့သူတွေနဲ့ Clicker တွေအနေနဲ့ ဆက်လက်ပါဝင် ကူညီပေးကြဖို့ Tiger King က မေတ္တာရပ်ခံထားပါတယ်။
“THE PDF GAME ဆော့ကစားခြင်းက ကျွန်တော်တို့ကို အခုလို လက်နက်ဝယ်ယူနိုင်ဖို့ အထောက်အပံ့များစွာ ဖြစ်စေပါတယ်။ လွယ်ကူစွာ ဆော့ကစားနိုင်ပြီး ကျွန်တော်တို့ တော်လှန်ရေး သမားများကို များစွာ အထောက်အပံ့ ပေးနိုင်ပါတယ်ဗျ။” လို့ Tiger King က ဆိုပါတယ်။
THE PDF GAME ကို အန်းဒရိုက်ဖုန်းတွေအတွက် (https://play.google.com/store/apps/detail ) ၊ iPhone/iPad တွေအတွက် (https://apple.co/3yfS7xl ) နှင့် ပလေးစတိုး မရှိပါက (https://gzentertainment.org/download/c2unity ) တွေကနေ ဒေါင်းလုပ်ရယူပြီး ဆော့ကစားနိုုင်ပါတယ်။
( Mandalay Free Press – MFP က တင်ဆက်တဲ့ ရုပ်သံ သတင်းတွေကို ယူကျူ့ https://www.youtube.com/c/MandalayFreePressMFP မှာလည်း ကြည့်ရှုနိုင်ပါတယ်။)
#MFP #Mandalay_Free_Press #မန္တလေး #စစ်ကိုင်း # #ဝက်လက် #TigerKing #PDFGame
