MFP ၊ စက်တင်ဘာ - ၂၂
မန္တလေးမြို့၊ ပြည်ကြီးတံခွန်မြို့နယ် စက်မှုပန်းခြံအနီး၊ ရန်ကုန် - မန္တလေးလမ်းနှင့် (၆၂)လမ်းထိပ်မှာ မနေ့က နေ့လည်ပိုင်း စစ်အုပ်စု (၁၅)ယောက်ပါတဲ့ စစ်ကားတစ်စီးကို ပဒေသာမိုင်း နှစ်လုံးနဲ့ ဖောက်ခွဲတိုက်ခိုက်ခဲ့ရာ စကစ ခုနှစ်ယောက် ထိတယ်လို့ မန္တလေးမြို့ပြ ပြောက်ကျားတပ်ဖွဲ့ - Generation Z Power - GZP Mandalay က သတင်း ထုတ်ပြန်ပါတယ်။
စက်တင်ဘာ(၂၁)ရက် နေ့လည်ပိုင်းက စက်မှုပန်းခြံအနီး စစ်ကားနဲ့ လှည့်နေတဲ့ စစ်အုပ်စုကို မိုင်းနှစ်လုံးနဲ့ ဖောက်ခွဲ တိုက်ခိုက်ခဲ့ရာ ကားပေါ်ပါ စကစတေါထဲက ခုနှစ်ယောက်ထက်မနည်း ထိခိုက်ဒဏ်ရာရပြီး နှစ်ယောက်က ဒဏ်ရာပြင်းလို့ သေနိုင်တယ်လို့ GZP က ဆိုပါတယ်။
“ပေါက်ကွဲသံက အကျယ်ကြီးပဲ၊ တံခွန်တိုင် အဝိုင်းနားကတောင် ကြားလိုက်ရတယ်“ လို့ ဒေသခံတစ်ဦးက MFP ကို ပြောပါတယ်။
မိုင်းပေါက်ကွဲခဲ့တာ မှန်ပေမယ့် ထိခိုက်တာ မရှိဘူးလို့ စစ်အုပ်စုက သတင်းဖြန့်ပါတယ်။
မနေ့က နေ့လည်ပိုင်း၊ ပြည်ကြီးတံခွန်မြို့နယ်၊ (၁၃၅)လမ်းနှင့် (၁၃၆)လမ်းကြား၊ (၇၈)လမ်း (ရန်-မန်း လမ်းဟောင်း)ပေါ်က လမ်းလယ်ကျွန်းမှာ PVC ပိုက်နဲ့ လုပ်ထားတဲ့ လက်လုပ်ရီမုဒ်မိုင်း နှစ်လုံးဆင့် ပေါက်ကွဲခဲ့တာလို့ စစ်အုပ်စုက သတင်းဖြန့်ပါတယ်။
မန္တလေးမြို့မှာ စစ်အုပ်စုက ဒေသခံ ပြည်သူတွေကို ဥပဒေမဲ့ ထင်တိုင်းကျဲ ဖမ်းဆီး ငွေညှစ် သ-တ်-ဖြတ်နေသလို ဒေသကာကွယ်ရေး တပ်ဖွဲပတွေကလည်း စစ်အုပ်စုကို ရရာနည်းနဲ့ တိုက်ခိုက်နေတာ ဖြစ်ပါတယ်။
GZP အဖွဲ့ဟာ မန္တလေးမြို့မှာ စစ်အုပ်စုကို မကြာခဏ တိုက်ခိုက်နေပြီး စက်တင်ဘာ(၃)ရက်ကလည်း ပြည်ကြီးတံခွန်မြို့နယ်ထဲက စစ်အုပ်စုကို ဆက်ကြေးပေးပြီး ဖွင့်လှစ်လုပ်ကိုင်နေတဲ့ပ ငါးဂိမ်းဆိုင်တစ်ခုကို မဟာမိတ်အဖွဲ့နဲ့ ပူးပေါင်းပြီး ဗုံးထုတိုက်ခိုက်ခဲ့ရာ စကစ ရှစ်ယောက် ထိခိုက် ဒဏ်ရာရတယ်လို့ ထုတ်ပြန်ထား ပါတယ်။
#MFP #Mandalay_Free_Press #မန္တလေး #စစ်ကိုင်း #စက်မှုပန်းခြံ #ပဒေသာမိုင်း #GZP
