MFP ၊ ဩဂုတ် - ၁၉
စစ်အုပ်စုရဲ့ ဖမ်းဆီးသ-တ်ဖြ-တ်ခံလိုက်ရတဲ့ Myanmar Return Ranger Force - MRRF အဖွဲ့ခေါင်းဆောင် ဗိုလ်အောင်မြေနဲ့ အခြား UG တွေအတွက် ရည်စူးပြီး ကုသိုလ်ပြုလုပ်ပေးခဲ့ကြတယ်လို့ နီးစပ်သူတွေဆီက သိရပါတယ်။
ပြီးခဲ့တဲ့ ဩဂုတ်လ (၁)ရက်နေ့က မန္တလေးမြောက်ပြင် ၈၆ လမ်းနဲ့ ၈ လမ်းအနီးက နေအိမ်တစ်လုံးမှာ စစ်အုပ်စုရဲ့ အင်အားသုံး စီးနင်းဖမ်းဆီးခံလိုက်ရတဲ့ ဗိုလ်အောင်မြေနဲ့ အခြား မြို့ပြပြောက်ကျားအဖွဲ့ဝင်အချို့ကို နောက်တစ်နေ့မှာ စစ်အုပ်စုက သ-တ်ဖြ-တ်ခဲ့ပြီး လမ်းဘေးမှာ အလောင်းတွေ စွန့်ပစ်ပြခဲ့ပါတယ်။
ဗိုလ်အောင်မြေဟာ ကျဆုံးချိန်မှာ အသက် (၃၀)ကျော်အရွယ်ရှိပြီဖြစ်ပြီး ဇနီးနဲ့ လေးနှစ်အရွယ် သားတစ်ဦး ကျန်ရစ်တယ်လို့ နီးစပ်သူတွေက ပြောပါတယ်။ လက်ရှိမှာတော့ ကျန်ရစ်သူမိသားစုကို ဘေးကင်းရာ ပို့ဆောင်ထားတယ်လို့လည်း ဆိုပါတယ်။
ဩဂုတ်လအတွင်းမှာ ဗိုလ်အောင်မြေအပါအဝင် မန္တလေးမြို့ပေါ်က စစ်အာဏာရှင်ကို တိုက်ခိုက်နေတဲ့ ပြောက်ကျားတပ်ဖွဲ့ အနည်းဆုံး (၄)ဖွဲ့က ရဲဘော်အယောက် (၄၀)ဦးထက်မနည်း ဖမ်းဆီးခံခဲ့ရပြီး (၁၀)ဦးထက်မနည်း သ-တ်ဖြ-တ်ခံထားရတယ်လို့ သတင်းအချက်အလက်တွေအရ သိရပါတယ်။
ဓာတ်ပုံ ၊ CJ
( Mandalay Free Press – MFP က တင်ဆက်တဲ့ ရုပ်သံ သတင်းတွေကို ယူကျူ့ https://www.youtube.com/c/MandalayFreePressMFP မှာလည်း ကြည့်ရှု့နိုင်ပါတယ်။)
#MFP #Mandalay_Free_Press #မန္တလေး #စစ်ကိုင်း #မြို့ပြပြောက်ကျား #UG #ဗိုလ်အောင်မြေ
