ရင်​ပေါင်တိုင်ရွာမှာ (၁၀)တန်းကျောင်းသား အပါအဝင် ပြည်သူ ရှစ်ဦးရဲ့ အလောင်းတွေ တွေ့၊ ပြည်သူ (၂၃) ဦး ပျောက်ဆုံးနေ၊

PDF ရဲတွေ ကျဆုံးမှု ရှိသလို စကစ (၃၀)ကျော် သေဟုဆို၊

MFP ၊ ဩဂုတ် -၁၅

စစ်ကိုင်းတိုင်း ယင်းမာပင်နဲ့ ပုလဲနယ်အစပ်က ရင်​ပေါင်တိုင်ရွာကို ​အကြမ်းဖက် စစ်​အုပ်စုက ရဟတ်ယာဥ်နဲ့ ပစ်ခတ်ကာ လေးရက်ကြာ စီးနင်းသောင်းကျန်းပြီး ပြန်ထွက်သွားချိန် ​ကျေးရွာအတွင်း ​​ဒေသခံပြည်သူ ရှစ်ဦး ရဲ့ အလောင်းတွေ တွေ့ရပြီး ပြည်သူ (၂၃)ဦးကိုလည်း ဓားစာခံ လူသားဒိုင်းအဖြစ် ဖမ်းခေါ်သွားတယ်လို့ ရင်​ပေါင်တိုင်ရွာထဲ ရှင်းလင်း​ရေးလုပ်​နေတဲ့ ​တော်လှန်ရေးရဲ​​ဘော်​တွေက MFP ကို အတည်ပြုပါတယ်။

ဒါ့အပြင် ရင်ပေါင်တိုင်ရွာထဲ စီးနင်းသောင်းကျန်းနေတဲ့ စစ်အုပ်စုကို ဝင်ရောက်တိုက်ခိုက်ရာမှာ ပြည်သူ့ကာကွယ်​ရေး ရဲ​ဘော်တချို့ ကျဆုံးမှု ရှိသလို စကစ (၃၀)ကျော် သေတယ်လို့လည်း ဆိုပါတယ်။

မ​နေ့ ဩဂုတ် (၁၄) ရက်က စစ်​ကောင်စီ အကြမ်းဖက်သမားတွေ ရင်​ပေါင်တိုင်ရွာက ပြန်လည်ထွက်ခွာချိန်မှာလည်း ပြည်သူ့ကာကွယ်​ရေးတပ်ဖွဲ့​တွေက တစ်ရွာဝင်တစ်ရွာထွက် ဝိုင်းဝန်းပိတ်ဆို့ပစ်ခတ်တာ​ကြောင့် စစ်​ကောင်စီဘက်က အထိအခိုက်အကျအဆုံးလည်းများပြီး ဒေသခံ ဒေသခံ အမျိုးသား (၂၃) ဦးကို ဓားစာခံလူသားဒိုင်း အဖြစ် ဇီးဖြူကုန်း ပျူရွာကို ဖမ်းဆီးခေါ်​ဆောင်သွားတယ်လို့ ​တော်လှန်​ရေး ရဲ​​​ဘော်​တွေက​ပြောပါတယ်။

ရင်ပေါင်တိုင်ရွာထဲ စီးနင်းသောင်းကျန်းတဲ့ စစ်အုပ်စုနှင့် ပြည်သူ့ကာကွယ်​ရေးတပ်ဖွဲ့​တွေ တိုက်ပွဲဖြစ်ပွားမှု အ​ခြေအ​နေ၊ ရဟတ်ယာဥ်နဲ့ စီးနင်းပစ်ခတ်ခံရမှုနှင့် ဒေသခံပြည်သူ ဖမ်းဆီးသ-တ်-ဖြတ် ပျောက်ဆုံးနေမှု အခြေအနေတွေကို ယင်းမာပင်နယ် ပြည်သူ့ကာကွယ်​​ရေးတပ်ဖွဲ့ဝင် ရဲ​ဘော်နှစ်ဦးကို MFP က ဆက်သွယ်မေးမြန်းထားပါတယ်။

( Mandalay Free Press – MFP က တင်ဆက်တဲ့ ရုပ်သံ သတင်းတွေကို ယူကျူ့ https://www.youtube.com/c/MandalayFreePressMFP မှာလည်း ကြည့်ရှု့နိုင်ပါတယ်။)

#MFP #Mandalay_Free_Press #မန္တလေး #စစ်ကိုင်း #ယင်းမာပင် #ပုလဲ #ပြည်သူ #ရင်ပေါင်တိုင် #ရွာ #PDF