MFP ၊ နိုဝင်ဘာ - ၈
စစ်ကိုင်းတိုင်း ဝက်လက်မြို့နယ် ရှိမ္မကားရဲစခန်းက စစ်ကောင်စီ သစ္စာခံ လက်နက်ကိုင်တွေ တန်ဆောင်တိုင်ညမှာ ခိုးရာပါ ပစ္စည်းတွေနဲ့ အောင်ပွဲခံ သောက်စားပျော်ပါးပြီး မူးရူးရမ်းကား ပစ်ခတ်တာကြောင့် နေအိမ်ပေါ် လက်နက်ကြီးကျကာ မိသားစုလိုက် ဒဏ်ရာရပြီး မိခင်ဖြစ်သူ ဆုံးပါးသွားတယ်လို့ ဒေသခံ သတင်းရင်းမြစ်တွေက ပြောပါတယ်။
တန်ဆောင်တိုင်ည နိုဝင်ဘာ(၇)ရက် ည(၈)နာရီဝန်းကျင်က ဝက်လက်နယ် ရှိမ္မကားရဲစခန်းက စကစတွေ မူးရူးသောက်စားပြီး ရမ်းကားပစ်ခတ်တာကြောင့် ရှိမ္မကားရွာတောင်ပိုင်းက နေအိမ်တစ်လုံးပေါ် လက်နက်ကြီး ကျရောက်ပေါက်ကွဲပြီး အိမ်မီးလောင်ပျက်စီးသွားသလို မိသားစုဝင် လေးဦးလုံး အပြင်းအထန် ဒဏ်ရာရပြီး မိခင်ဖြစ်သူ ဆုံးပါးသွားတာလို့ ဆိုပါတယ်။
"ရှိမ်းမကား ရဲစခန်းအနီးမှ စခ များ လက်နက်ကြီး ပစ်ခတ်မှုကြောင့် ရှိမ်းမကားရွာ ထဲသို့လက်နက်ကြီးကျကာ နေအိမ်မီးလောင်ပြီး မိသားစုလိုက် လက်နက်ကြီးကျည် ထိမှန်ခဲ့ပါသည်။ မိခင်သေဆုံး၊ ဖခင်နှင့်အဖွားဒဏ်ရာ ပြင်းထန်ရပြီး ကလေးငယ်က ခေါင်းထိပါတယ်။ အခြေနေတော့ မကောင်းပါဘူးတဲ့" လို့ ဒေသခံတစ်ဦးက ဆိုပါတယ်။
အဖွား၊ မိခင်၊ ဖခင်နှင့် သုံးနှစ်အရွယ် ကလေးငယ်တို့ နေအိမ်ထဲ ရှိနေချိန် စ်စအုပ်စု ပစ်ခတ်တဲ့ လက်နက်ကြီး ကျရောက်ပေါက်ကွဲကာ အိမ်မီးလောင် ပျက်စီးသလို မိသားစုလိုက် ထိမှန်တာလို့ ဆိုပါတယ်။
မနေ့က တန်ဆောင်တိုင်ညမှာ မုံရွာ နမခ အပါအဝင် စစ်ကိုင်းတိုင်းထဲက စစ်ကောင်စီ သစ္စာခံ လက်နက်ကိုင်တွေဟာ ခိုးရာပါ ပစ္စည်းတွေနဲ့ အောင်ပွဲခံ သောက်စားပျော်ပါးနေတာ တွေ့ရပြီး နမခ တိုင်းမှူး သန်းထိုက်ကလည်း ခိုးရာပါ ပစ္စည်းတွေကို လက်အောက်ငယ်သား၊ အပေါင်းအပါတွေကို ခွဲဝေပေးခဲ့တယ်လို့ စစ်လော်ဘိတွေက သတင်းဖြန့်ပါတယ်။
ပြီးခဲ့တဲ့ ရက်ပိုင်းကလည်း စစ်ကိုင်းတိုင်း ကန့်ဘလူမြို့နယ် ကိုးတောင်ဘို့ရွာမှာ စစ်အုပ်စု မူးရူးသောက်စားပြီး ရမ်းကားပစ်ခတ်လို့ ကလေးငယ်တစ်ဦးနှင့် အဖွားအိုတစ်ဦး သေဆုံးပြီး နှစ်ဦး ဒဏ်ရာရခဲ့ပါသေးတယ်။
#MFP #Mandalay_Free_Press #မန္တလေး #စစ်ကိုင်း #အညာ #ဝက်လက် #ရှိမ္မကား #မိသားစု #မိခင် #အိမ်မီူလောင်
